Wythnos wyth
2 Rhagfyr 2022
Mae’r sesiynau Labs wedi bod yn wych yr wythnos yma! Gwnaethom ganolbwyntio ar archwilio a chreu pethau sy’n ymwneud â Cyfoeth Naturiol Cymru (CNC), ac fe wnaethom wahodd cwpl o westeion arbennig hefyd.
Ein sgwrs arbenigol gyntaf
Ar ddechrau’r sesiwn, gwnaeth Richard Pope rhoi cyflwyniad gwych i ni lle soniodd am feddylfryd cynnyrch a sut i ddechrau arni. Roedd ei straeon a’i gynghorion yn seiliedig ar ei gyfnod yn llunio ac arwain cynnyrch GOV.UK, yn graff ac ymarferol.
Roedd Richard wrth ei fodd yn sôn am y manteision o greu pethau fel ffordd o feddwl a dysgu. Anogodd i ni feddwl am daith gyfan y defnyddwyr, a’i holl gydrannau. Bu hefyd yn rhannu rhai awgrymiadau am fformatau GOV.UK, a sut roedden nhw’n ddefnyddiol fel fframwaith ar gyfer meddylfryd cynnar y tîm hwnnw.
Adnabod lle mae dechrau
Treulion ni amser yn edrych ar ddata a mewnwelediadau, gan gynnwys dadansoddiadau’r we ac adborth cwsmeriaid. Ein nod oedd adnabod ardaloedd lle mae galw uchel, gwerth uchel a/neu broblemau uchel, a rhoi caniatâd i ni’n hunain prototeipio gyda nhw.
Nid yw edrych trwy ddata a gawsom, mewn amser cyflym, gydag ymchwil defnyddwyr cyfyngedig yn ddelfrydol. Bydd angen i ni ail feddwl y ffordd rydyn ni’n gwneud hyn o fewn amgylchedd Labs erbyn y tro nesaf, ond fe ddaethon ni i ben mewn lle da, gyda rhai cyfleoedd cyffrous i’w harchwilio.
Fe wnaethon ni ddewis 3 ardal sy’n achosi rhywfaint o ddryswch i ddefnyddwyr gwasanaethau CNC, neu orbenion gweithredol sylweddol:
-
Sut i wirio cydymffurfiaeth â thrwyddedau amgylcheddol, heb ddrysu pobl
-
Sut i symleiddio’r broses caniatâd i ddefnyddio tir CNC
-
Sut i wneud y broses cais am drwydded yn fwy effeithlon
Adeiladu hygyrchedd o’r cychwyn cyntaf
Ein hail westai oedd Alistair Duggin, ag arweiniodd hygyrchedd ar gyfer Gwasanaeth Digidol Llywodraeth y DU, yn ogystal â’i waith gydag Apple a’r BBC yn y gorffennol. Roeddem wedi gofyn iddo ein helpu i adeiladu empathi gyda defnyddwyr sydd â nam ar eu golwg, clyw, symudedd neu’n wybyddol.
Wel, roedd treulio bore llawn yn meddwl ac efelychu anghenion hygyrchedd gwahanol, a dangos technolegau cynorthwyol amrywiol yn eithaf dwys. Mae’n rhywbeth na fyddwn yn ei anghofio.
Gwnaethom ymarfer o gwmpas personas pobl sydd â namau neu anableddau a thrafod y pethau dylwn / ni ddylwn gwneud pan yn dylunio ar gyfer hygyrchedd. Daeth pob un ohonom i’r casgliad bod dim rheswm i beidio â gwneud hyn o’r cychwyn cyntaf. Mae hygyrchedd da yn golygu dyluniad da. Mae oedi ei ystyried, neu ei ychwanegu yn ddiweddarach yn beth ffôl i wneud: bydd yn costio llawer yn fwy, ac eithrio pobl yn ddiangen.
Braslunio ein syniadau cyntaf
Ac yn olaf, treulion ni’r prynhawn yn braslunio a rhannu syniadau. Gwnaeth y grŵp mwynhau, ac roedd hi’n ffordd wych o ddatgelu cymhelliant pawb tuag at greu pethau a datrys problemau.
Ymunodd Richard ac Alistair â ni yn y prynhawn i gynnig adborth ar y syniadau cychwynnol. Roedd yn ddefnyddiol iawn i gael y wybodaeth yma gan arbenigwyr yn eu maes.
Yr wythnos nesaf byddwn yn culhau’r rhain i lawr, ac yn anelu at adeiladu rhywbeth i’w brofi a’i iteru.
Cymryd rhan
Mae ein cod i gyd ar gael ar GitHub.
Os hoffech gysylltu â ni, neu os hoffech dderbyn diweddariadau trwy e-bost, anfonwch neges at hello@learnbymaking.cymru